終於看了 [吸血新世紀]！套戲幾浪漫，男女主角都好靚！仲有第２集，一定要看啦～

　　本身知道這套電影好好看，不過唔知無咩動力去看，但大佬買左回來，咁無理由唔睇呀？但事實又真係好緊張好好睇，唔睇又係你走寶～！

　　平安夜，二人家中火鍋，＄100都唔使，真係好抵，我一個人差不多食左一斤菜.....一定好暢順啦！之後睇左 [冧歌有情人]，真恨自己唔得識作曲！好想學好多野..... 之後送碧茹就拿林林回家睡啦。

　　聖誕節，出左去朗豪坊行街！老婆送左我 [學友光年世界巡迴演唱會]，一出已經好想買！今日岩岩睇晒，真係正到無人有，神的唱功！

　　之後大家都買左對鞋，買１送１，呵呵！無啦啦又使左９舊水，可以抽３次獎，點知Ｄ禮劵基本上都好難用得到囉.....最後搞到無時間去睇燈飾，唔緊要.....仲有一天可以去睇。

　　呢個聖誕兩天都係陪碧茹大人，有人仲話我陪得佢唔夠多囉  .....其他時間竟然係反工.....呢兩天大出血囉，要補給一下給.....

　　P.S 蘇永康同方大同新歌一樣好Q正.....

　　終於鬆一口氣啦！不過早上遲左起身，9:15am先有人叫起身 ，之後火速５分鐘出門，飛的，最後15分鐘唔使反到學校，點知仲要未入試場，考完後，仲有一個係度呆.....早知唔使飛咁盡.....

　　考完後，去左睇戲！

[葉問]

　　真係身為中國人唔睇唔得既戲，雖然葉問過份無敵，不過真係打得好Ｑ勁 ！而且上同武同比佢以前既戲打得好左同做得好左好多！最正係同樊少皇打果段.....唔睇你就真係走寶.....不過始終比唔上幾年前李杰連既霍元甲者.....

　　錯定目標，下一套[吸血新世紀]同[拳霸2]！

　　三天，完成兩份 Project，四個 Presentation，通了一個幾晚宵.....終於『暫時』可以休息下了， Amy反左來好幾天，終於有機會同矮仔一齊去會一會面啦！同佢地行左陣街，就決定去旺角食『日之食』，雖然八款式很多！不過味道怪怪呢.....

　　夜晚去左唱Ｋ，加埋 Kinki同 Amy 既 Fd！Amy既朋友唱歌幾好呀，第一次見到螢幕裡既人出現係眼前，真係幾搞笑.....

　　星期六早上又要英文作文，星期一仲有 Finanical Planning，捱多幾日就好啦！不過考試範圍就真係多到不得了呢.....一定要努力呀！

　　仆街，一份Project要重做。明天要交一份project加powerpoint及準備present兩科。後天要交多一份project加powerpoint及準備面試問題答案等等.....

　　連續兩晚開夜車，星期三晚先可以大訓特訓！明天還要表演添，都唔知點算好.....星期三晚係訓之前，可以同Amy+矮仔晚飯，３個係時候聚一聚啦，不過可能有熊貓眼同暈下暈下咁囉.....

　　 極度不快！皆因我Ｅ神的 Get a life 演唱會 VCD 竟然唔見左第三張碟！一睇到真係想爆粗，由憤怒演變成沮喪.....看來也有個藉口讓我買過隻 DVD 了.....

　　 恭喜阿星！你應該好榮幸係我第一位同學結婚，亦都應該非常榮幸你係我第一位同學生ＢＢ囉！恭喜你生左個肥肥大大既ＢＢ，成７磅幾，真係辛苦晒啦，希望快點可以睇下你既 BaBy 啦！

　　不過自從結婚之後，你已有你的生活，加上ＢＢ出世了，大家日後都會各有各忙，想起以前的日子真的懷念 .....不過點都好，希望我們的友誼永遠不變啦！

　　今天原本Present，點知比９峰阻住晒，搞到要下星期先再pre，又要著多次老西。隔左一年，今天又同矮仔+Kinki出去食飯！點知最後竟然係咁.....